【DSE放榜】醫生指活不過30歲 肌萎生考獲7分轉戰IVE追逐攝影夢

撰文:孫名慧2018-07-11 13:24更新:2018-07-11 13:55

中學文憑試放榜的這一天,對患有肌肉萎縮症的應屆考生凌子軒別具意義。「既然得咁短命,考試有咩用」,但班主任袁老師的一句說話,改變了子軒,令他重拾學習的心,「千萬唔好放棄自己生命,活著就是希望」。

袁老師看到子軒順利完成考試,邁向人生的下一頁,都忍不住激動落淚。「真係好感動,佢真係好難教,但依家為你流下男兒淚都係值得」。

凌子軒的班主任袁老師在訪問期間,感動落淚。(歐嘉樂攝)
凌子軒的班主任袁老師在訪問期間,感動落淚。(歐嘉樂攝)
凌子軒與父母(歐嘉樂攝)
大埔賽馬會田綺玲學校 (歐嘉樂攝)
凌子軒與父母(歐嘉樂攝)
凌子軒與父母(歐嘉樂攝)
凌子軒與父母(歐嘉樂攝)
+8
天生患有肌肉萎縮症的凌子軒考獲7分。 (歐嘉樂攝)
天生患有肌肉萎縮症的凌子軒考獲7分。 (歐嘉樂攝)

「醫生同我講,我得20至30歲命」。應屆DSE考生凌子軒天生患有肌肉萎縮症,對著充滿恐懼的未來,自問樂觀的他亦一度放棄自己的人生,「既然得咁短命,考試有咩用」。但班主任袁老師的鼓勵徹底改變了子軒,「班主任一句說話,嚇到我去考DSE,佢話如果我仲有10年命,唔通想喺屋企打機打足10年咩」。自此之後,子軒重拾學習的心,但這條路一點都不簡單。「肌肉會無力,寫字會吃力,臨近考試2個月,日日要溫書,真係想放棄」。

凌子軒的班主任袁老師在訪問期間,感動落淚。(歐嘉樂攝)
凌子軒的班主任袁老師在訪問期間,感動落淚。(歐嘉樂攝)
凌子軒與班主任袁老師 (歐嘉樂攝)
凌子軒與班主任袁老師 (歐嘉樂攝)

走過重重困難,順利完成文憑試,袁老師得知子軒考獲比他預期中好的7分,即時感動落淚,「真係好感動,其實佢真係個好難教嘅學生,成日都唔聽我話,但唔緊要,依家我為你流下男兒淚都係值得」。

凌子軒與父母(歐嘉樂攝)
凌子軒與父母(歐嘉樂攝)
凌子軒與父母(歐嘉樂攝)
凌子軒與父母(歐嘉樂攝)

背後默默支持著子軒的,又怎能少了他的父母?「多謝媽咪照顧咗我咁多年,先有現在嘅我,多謝爸爸賺錢,帶我四圍玩,令到我好開心。」子軒更笑言慶幸有這個病,才令父母沒有迫得他太緊,並不辭勞苦帶他四處旅行。一直陪伴在旁的凌媽媽不時展露笑顏,「佢考得咁好,我當然好高興」。凌爸爸則稱照顧子軒雖然辛苦,但亦為他帶來不少歡笑,「佢嘅樂觀令我好開心,如果有病小朋友自怨自艾,怨爸爸媽媽嘅話,會令家長好無動力,但子軒從無埋怨」。

肌肉萎縮症DSE考生凌子軒永不言棄,望繼續讀書,充實自己。(歐嘉樂攝)
肌肉萎縮症DSE考生凌子軒永不言棄,望繼續讀書,充實自己。(歐嘉樂攝)

展望未來,子軒已報讀IVE的基礎文憑課程,向他的目標-成為一個旅遊攝影師努力邁進。「好多年輕人人話壓力大,想跳樓,我呢個被禁錮嘅靈魂都仍然努力活著,點解佢哋要選擇自殺呢?」,「千萬唔好放棄自己生命,要努力活著,好似霍金咁講,活著就是希望」。

於本流動應用程式或服務內所刊的內容、療法、建議只供參考,並不能當作任何形式的醫療建議、診斷或診治。如有需要請儘早求醫,並向相關專科醫生或專業人士了解。